Ayan Ka Nanaman!!

Eto ako at wala nanaman magawa
Nakaupo sa kama at nakatulala
Kumuha ng lapis at sumulat ng tula
Nawa ay mabasa mo ang aking gawa

....

Sa hapag kainan ikaw ay naghain
Walang imik, at mag isang kumain
Sa iyong paningin kami ay parang hangin
Wala lang sayo, kami man ay gutumin

....

Ngayon ay nasa sofa at nananahimik
Nanonood ng TV at wala kang imik
Nakaupo lamang at di ko alam ang iniisip
Gustong umalis dahil ikaw ay naiinip

....

Linggo ngayon, araw ng pagdarasal
Ikaw ay aalis, hindi ko alam ang iaasal
Siguro ikaw ay luluhod sa Maykapal
At titikim ng katawan nyang pandesal

....

Mamaya sa iyong paguwi
Pagbukas ng pinto, subukan ngumiti
Matutunan mo sanang sa anak ay bumati
Upang kahit papano'y galit ay mapawi

....

Aking ina hindi ka ba nahihiya
Alam ng Diyos ang iyong ginagawa
Ako sa iyo'y tunay na awang awa
Dahil kahit anung gawin ko, ika'y hindi makaunawa

....

Akala ko noon ako ay magiging masaya
Akala ko noon ang lahat ay mapapaganda
Akala ko ang gusto mo kami'y mapaligaya
Akala ko lang pala, wala ka palang pusong ina

....

Ang buhay ko noon ay puno ng kulay
Kahit na mag isa sa pag susunog ng kilay
Sa Pilipinas ang lola ko ang aking saklay
Ang pagmamahal nya sa'kin ay walang kapantay

....

Kami'y kinuha mo ng walang kamalay malay
Pilit mong sinasabi, andito ang tagumpay
Hindi iyon ang hinahanap ko aking Inay
Bakit pakiramdam ko ngayon ako ay pilay?

....

Nawalan ng kulay ang aking buhay
Mula nang araw na ika'y makasama sa bahay
Akala ko noon sa akin ay may aalalay
Bakit pakiramdam ko ngayon ako'y pinapatay?

....

Bakit ba ako ay di mo maintindihan?
Bakit mo ba ako pinahihirapan?
Akala mo lagi ako sayo'y lumalaban
Ang gusto ko lang naman ako'y iyong maunawan

....

Lahat ng kwento mo ay kabaliktaran
Ang mga sinasabi mo ay puro kabulaanan
Ang buhay mo ay puno ng kasinungalingan
Ako'y dismayado, hindi ko ito inaasahan

....

Ibang tao ay pilit mong tinutularan
Hindi ka naman katulad ng iyong mga kaibigan
Hindi mo alam ang kanilang kakayanan
At hindi din iyon ang iyong nakasanayan

....

Sa ibang tao ay nakikinig ka
Bakit ganon, anu bang meron sila?
Sino ba ang sa iyo'y mas mahalaga?
Ang ibang tao ba, o kaming iyong pamilya?

Bakit ka ba punong puno ng pagdududa?

Hindi mo ba nakikita?
Ako ay hirap na hirap na
Araw araw na lamang ba?
Lumuluha ang aking mga mata

....

Tuwing umaga na lang ay may kumakalabog
Ako'y nagigitla, akala ko'y may sumabog
Ako'y nagigising mula sa mahimbing na pagkakatulog
Akala ko'y kung ano, ikaw lang pala at nambubulabog

....

Nais ko ng bumalik sa bansang pinagmulan
Sa bansang Pilipinas na aking kinalakihan
Dito man sa bansang italya ako isinilang
Ngunit sa tingin ko'y kelangan ko na talagang lumisan

....

Aking ina, ika'y hindi naman iiwan
Sana ako ay iyong maintindihan
Mageexam lang ako at babalik din naman
Ito ang matagal ko ng kahilingan, nawa ay iyong pagbigyan

....

Andun ang aking lola para kami ay alagaan
Malalaki na din kami, at di na kelangan bantayan
Kelangan na talaga naming bumalik sa ating tahanan
Sa bahay na nakatirik sa gitna ng bayan

....

Alam mong ito ay hindi ko lamang kagustuhan
Ipinaliwanag ko naman ito sa'yo nung una pa lamang
Ang lahat naman, sa iyo'y pinaalam
Ano pa ba ang gumugulo sa iyong isipan?

....

Bakit ba sa amin ay wala kang tiwala?
Ang tingin mo sa amin ay malaki ang pagkakasala
Kaya naman kami ay tila iyong inaalila
At dahil dun napaltan ng galit ang aking pangungulila

....

Sa paliwanagan, ako'y hindi naman nagkulang
Ngunit lagi kang may mga baluktot na katwiran
Akala mo lagi, ikaw ay aming inuutakan
Pero kahit kelan, di mo naman napatunayan

....

Sa iyong pera kami'y walang paki alam
Kaya wag mong isipin na ika'y aming pineperahan
Sa Pinas noon, kamiy maraming pinagkakagastosan
Hindi naman ako nagreklamo kahit padala mo'y kulang-kulang

....

Sa Pilipinas ako ay maraming pinagkakautangan
Mga taong nag aruga nang ako'y musmos pa lamang
Sila ang pumuno sa lahat ng iyong pagkukulang
Nararapat lang na sila'y aking balikan at pasalamatan

....

Umalis ka at kami ay iyong nilisan
Ako'y sanggol pa ng iyong iwanan
Ang aking unang hakbang ay di mo nasilayan
Ang aking unang pagtawa ay di mo napakinggan

....

Noong ako ay bata, madalas kang tumawag sa telepono
Ako'y hindi makausap dahil umiiyak lamang ako
Dis oras ng gabi, sa kapitbahay kami ay tatakbo
Marinig lamang ang malayong boses mo

....

Ako ay umiiyak sa di malamang rason
Pakiramdam ko kasi ako'y hinahamon ng panahon
Ang buhay ko ay tila hinahampas ng alon
Mabuti na lang sa akin ay merong umampon

....

Ako'y nakatungtong sa malaking entablado
Sa wakas ako'y nakatapos ng kolehiyo
Sa iyo'y walang natanggap na regalo
Ngunit kahit kelan, ako sa iyo'y hindi nagreklamo

....

"Anong regalo sayo ng mommy mo?"
Ang text sa akin ng isa sa mga kaibigan ko
Gamit ang kanyang cellphone na bago at magarbo
"Wala nga kahit CONGRATS eh" ito ang sagot ko..

....

Akala ko noon ako ay matapang
Ang paniniwala ng lahat ako ay palaban
Iyakin ako, yon ang hindi nila alam
Lalo na pag magulang ang pinag uusapan

....

Sa piling namin matagal kang nawala
Kaya ngayon tuloy ika'y hindi makaunawa
Mabait ang Diyos, ikaw ay pinagpala
Dahil andito kami, pilit kang inuunawa

PAALALA: Ako ang Dalaga, Ikaw ang Ina!!!

PAALALA;  Ako ang Dalaga, Ikaw ang Ina !!!

Anong oras na?
Nasa lansangan ka pa!!
Dyan ka na kaya tumira?
Para mas masaya!!!
....

Nanay ka ba talaga?
Saan banda aking ina?
Bakit di ko makita?
Bakit ka nagbubuhay dalaga?
....

Gabing gabi na!!
San ka ba nagpunta??
Wag kang patanga tanga
Baka madapa ka..
....

Wala ka nanaman sa tahanan
Mukang chumichika ka nanaman
Ang buhay ay ipinagkakalandakan
Na puro kasinungalingan lang naman
....

Kelan ka kaya matatauhan?
Kelan ka kaya maliliwanagan?
Bakit ba sarado ang iyong isipan?
Kelan mo ba kami maiintindihan?
....

Usapan ay walang katapusan
Sa telepono'y lagi kang may kahuntahan
Araw-araw ay kwentuhan at bulaanan
Kelan ba matatapos ang iyong kadaldalan?
....

Lahat ng mali ay iyong nakikita
Wala ng tama sa iyong mga mata
Sabagay isa ka nga palang tanga
At isang ina na walang kwenta
....

Akala mo lagi ako'y iyong kakumpitensya
Ganun talaga ako sa iyo'y mas maganda
Kaya sa akin ay insecure ka
At araw araw ika'y nagmamaldita
....

Wag mo akong tanungin kung saan ako nagmana
Dahil kung anong puno, sya ring bunga
Ayos na sakin ang maging isang bungang matamis at maganda
Kesa naman sa puno na inuugat na ay may sungay pa.... Ay sangay pala, pasensya na.. (Haha)
....

Halos gumulong sa pag iyak
Ang mga anak ay hinahanap
Ngunit hindi ikaw yan, asa ka naman!!
Si Sisa yan, nabanggit ko lamang.. :))
....

Mga sabi sabi ay di ko pinakinggan
Pinaniwala ko ang aking sarili at nagbingi-bingihan
Ipinikit ang mga mata at pilit na nagbulag-bulagan
Ngunit lumabas din ang totoo at ngayo'y alam ko na ang dahilan..
....

Sa iyong paniniwala ikaw ay tama
At bilang isang nars na tagapag alaga
Ay parang ganon na nga
Sa utak ikaw ay may tama :)))
....

Ang aking kamay ay sumasakit na
Ang aking puso ay nadudurog na
Ang aking utak ay sasabog na
Kelan kaya ako makakakita ng lumuluhang ina
....

Hindi ko alam kung anong oras ako matatapos
Dahil dito aking galit ay ibubuhos
Ang buhay ko ngayo'y puno ng unos
At parang kandilang unti unting nauubos
....

Alas dyis na ng gabi ng ikaw ay dumating
Ni hindi ko alam kung saan ka nanggaling
Nga pala ako ay may sinaing na kanin
Andyan na din ang ulam, ikaw ay kumain
(Hiyang hiya naman ako sayo, baka napagod ka sa kachichika mo)
....

Nakita mo ako at hindi pinansin
Ako ay nakaupo at nagsusulat ng madiin
Hindi ko na alam ang aking gagawin
Dahil daig ko pa si Tarzan na nakabitin sa baging.
....

Lahat ng pagtitiis ay ginawa ko na
Ngunit sa iyo'y wala pa ring kwenta
Lahat ng tugtog mo ay sinayawan ko na
Kahit na iyong plaka ay sira-sira na
....

May nakapag sabi sakin na ikaw daw ay naghihintay
Naghihintay ng libreng pabahay
Aking ina, bilang iyong inakay
Ang hiling ko ay HINDI BAHAY kundi MATINONG BUHAY!!!!!
....

Ang pagmamahal ko ay walang katumbas
Ngunit ang puso mo ay napakatigas
Ang utak mo ay sarado at wala ni kaprasong butas
Sa haliging bato ay masarap ka na rin ihampas
....

Ako sa iyo'y awang awa
Katawan mong patpatin at walang taba
Ibang tao ikaw ay kinukutya
Hindi mo lang alam, ikaw ay kawawa
....

Walang ibang mahalaga sayo kundi ang pera
Sinasabi ko sayo hindi ka magiging masaya
Ang kelangan mo ay ang iyong pamilya
Dahil sa langit walang halaga ang kwarta
....

Ako'y isang batang naghahanap ng magulang
Ng isang inang may mabuting kandungan
Ngunit ikaw ay walang pakundangan
Ang aming kalooban ay iyong nilapastangan
....

Pilit naman kitang inintindi
Kahit na ang bunganga mo ay nakakarindi
Ngunit sadyang ikaw ay nakakapundi
At hindi na ako bata na ang kelangan ay kendi...
....

Muling Paalala: Ako ang Dalaga, Ikaw ang Ina!!!!