Binondo Escapade

" San ka ba pinanganak?"
"Ah, edi alien ka pala" 
"Kamusta na si mommy mo?"
"Hindi ba uuwi ang nanay mo?"
"Kelan ka susunod sa mommy mo?"
.
Eto ang mga katagang bata pa lang ako ay madalas ko ng naririnig sa halos lahat ng tao na mangangamusta sakin.. (Ngayon, naisip ko, oo nga, hindi nga naman ako ng kinakamusta nila, kundi ang nanay ko)... 
.
Bata pa lang ako, lahat sila sinasabi na "pupunta ka din sa Italy, kasi dun ka pinanganak". Kaya noon pa man, naipag siksikan ko na sa mura kong isipan na "oo balang araw, aalis ako sa Pilipinas, kasi kelangan ko balikan yung lugar na aking pinagmulan" .. 
.

My First day here in Milan..
as usual.. ako ang photographer
From Left to right: Karlo, Tita Jaja. Mommy :))

At eto na nga... Asan ba ko ngayon?? Eto na ba ang sinasabi nilang "Ibang Bansa" ? Dumating ako dito sa Europa noong Agosto 13,2012. Araw ng lunes.. (Shit,, lunes na lunes.... Na lunisan ata ako.. Haha) Nang pagtapak ko sa bansang Italya, akala ko nasa Binondo ako... Ni hindi man lang ako namangha sa mga gusali sa paligid.. At ni hindi ko man lang nabanggit yung "karlo, picturan mo ko". (Si karlo ay ang nakababata kong kapatid, na kasama kong nagpunta dito). Akala ko noon, maganda dito... Eh kasi naman, pag nasa Pinas ka at sinabing ITALY, parang ang mga reaction ng mga tao ay "wow" bigtime.... Pero ako masasabi kong, iba pa din talaga ang ganda ng Pinas... At ngayon, mapapatunayan ko na ang slogan na "WOW! PHILIPPINES" :)) 
.

Andito na nga ako ngayon sa Italy.. Sa bansa na pinapangarap ng karamihan na mapuntahan dahil na din sa St.Peter's Square (Vatican, City) , para makita daw nila ang Santo Papa.. para na din makagala daw.. At matikman ang masasarap na PASTA at PIZZA dito.. Ganyan din ako noon, excited akong pumunta dito, akala ko kasi noon, maganda dito.. At masasarap ang mga pasta.. Ganyan naman tayong mga pinoy, sino banaman ang di nahilig sa SPAGHETTI?? Lahat ng bata, nagdaan sa spaghetti!!! . Sa mga simpleng tao, ang Spaghetti ay natitikman lang kapag may handaan... Kadalasan kapag may birthday party... Kaya naman madalas pag nakarating ka sa kapitbahay at may spaghetti sa lamesa nila ganto ang kadalasang tanong "sino ang may birthday?". Ganyan tayong mga pinoy.. Hindi pang araw araw ang pasta sa hapag kainan natin.. Sanay kasi tayo sa ADOBO, SINIGANG, DINUGUAN, KARE KARE, TULINGAN, BULANGLANG, TUYO at kung anu anu pa (di ko na iisa isahin ang mga ulam na namimiss ng mga pinoy na nakakausap ko dito) 
.

ebidensya po.. baka naman kasi sabihin nyo
 eh nagiimbento lang ako.. haha..  

Mabalik tayo sa bansang Italya, anu nga ba ang meron dito??? Well, hindi ko din alam... Mapwera na lamang sa mga nakikita kong nanlilimos sa tren, na tumutugtog ng violin, habang may nakasakbit na nike na backpack at naka adidas na shoes... (Wag ka mag alala, magkatulad tayo ng reaksyon)  Taray di ba??? Kung sa atin, may kaya ka na sa buhay pag ganun ang gayak mo, dito wala lang yun, kung meron man, pang araw araw na lang.. Pero sa aminin natin at sa hindi, ang ganong tatak ng damit sa pinas ay pang alis ng mga tao, pang gala, at pang porma na.. :)) at ang instrumentong violin ay pang mayaman lang.. :))
.
Anjan din yung napaka daming vandalism sa pader... Oo sobrang dami.. Kinabog ang mga pintuan ng CR sa mga eskwelahan sa Pinas sa dami ng nakasulat sa mga pader dito.. Some people are saying "that's vandalism!". Others are "that's art!" Me??? My question is always like this, "how the hell did they get up there?". :)) paano nga ba? paano sila nakakapag drawing at nakapag pintura sa ilalim ng tulay, sa mga riles ng tren, sa pader na ubod taas, sa mga gilid ng tren na kung sa atin ay MRT at LRT... Paano nga kaya?? Ewan ko din.. :)) 
.

Via Paolo Sarpi.. ang mini divisoria ng Milano.. :))

Andito din ang ibat ibang uri ng tao.. Ibat ibang lahi.. Akala ko noon, ang makikita ko dito madaming madaming Italyano.. Pero bakit mas madami pa akong nakikita na Egyptian, indian, german,british, pinoy at syempre chinese... Wala ng nakakagulat sa madaming pinoy dito.. Dahil kahit saang sulok ng mundo, may pinoy talaga.. Yan tayo eh.. At wala na din naman sigurong nakakagulat kung sasabihin kong may "Mini Divisoria" din dito.. Oo,, at syempre,,intsik ang may pakana noon.. Sino banaman ang magaling sa mga ganyang kalakaran?? Syempre sila lang naman.. Sila ang mga wholesaler dito ng mga kung ano ano... At dahil wala naman ditong sari sari store... Sila na din ang mga retailer... Oo sila lang.. :)) 



.

Paninda sa labas ng Simbahan :)) 

Bakit nga ba hindi ito gawin ng mga pinoy?? Yan ang akala mo,, dahil dito may mga pinoy din na nagtitinda ng Siopao, siomai, bananaque , barbecue, sapin sapin, empanada, chicharon, palabok,kwek kwek longganisa, tocino at kung ano ano pa.. Eto yung mga pinoy na, haharangin ka paglabas mo ng simbahan kung araw ng linggo, para bumili ka sa kanila.. O di kaya naman ay sa station ng tren, pasimpleng mag aalok sayo ng paninda nya,pasimple lang dahil bawal yun dito... Yan tayong mga pinoy... Kahit bawal, basta pagkakakitaan, gagawin ang lahat para lang sa pamilya,, syempre sino banaman ang tatangkilik sa mga paninda nila, kundi ang mga kapwa pinoy din.. :))

Proof of purchase.. haha (kwek-kwek + suka) 

.

Me with Karlo and mommy in St.Peter's square. 

Malayo ako sa Vatican, at sa Roma... Andito kasi ako sa Milan.. Pero narating ko na din ang Vatican at Rome na pinapangarap ng karamihan.. Ng magpunta ako dun, nakita ko ang Santo Papa.. Nakita ko ang lawak ng St. Peter's Square.. At ang mga rebulto na nakatayo sa paligid nito.. Hindi ko maintindihan, bakit hindi ako namangha?? Ewan ko din.. 
.

From Castel Sant' Angelo

Ang Rome naman, ay hindi nalalayo sa Maynila.. Sabagay, sabi nga nila, ang Roma ang Maynila ng Italya.. Madumi ang mga tulay.. Madaming kalat sa paligid.. At sobrang init din.. At syempre,, hindi pa din ako natuwa.. Pero kung kilala mo ko, at nakikita mo ang mga pictures ko, iisipin mo ang swerte ko naman, kasi nakarating ako doon.. At muka akong masaya.. Mukang maalwan ang buhay, kasi nakakagala... Yun ang akala mo.. Syempre, sino banamang tao ang nagpapicture ng malungkot?? Ng nakasimangot?? Ng nakasubangot ang muka?? Wala!! :))
.


So anu nga ba ang maganda sa Italy?? Hindi ko din alam.. Dahil ultimo yung kilala kong italyano, sinasabi nya sa akin na pangit daw dito, katunayan nga nyan, gusto nya pumunta ng Pilipinas, iniisip nya mas ok doon, kesa dito.. At oo,, ngayon, kung ikukumpara ko ang dalwang bansang ito... Ngayon masasabi ko talaga ang "IT'S MORE FUN IN THE PHILIPPINES"

My jump shot in Luneta.. wayback 2011 :))